13 дек 08:48
Янгиликлар

Теннис

Омонмуродова Дубай турнири жуфтлигида кортга чиқди

БААнинг Дубай шаҳрида теннис бўйича соврин жамғармаси 100 000 АҚШ долларидан иборат бўлган турнир давом этмоқда.

“Фьючерс” туркумига кирувчи турнирнинг жуфтлик баҳсларида тажрибали теннисчимиз Оқгул Омонмуродова ҳам ўз маҳоратини намойиш этяпти. Ҳамюртимиз германиялик Лиза Пономар билан имтиёзли йўлланма асосида асосий тўрга қўйилганди.

Афсуски, улар биринчи босқичда руминиялик Микаэла Бузарнеску ҳамда россиялик Алёна Фомина жуфтлигига 3:6, 7:6(6), тай-брекда 6:10 ҳисобида имкониятни бой бериб, мусобақадаги иштирокларини якунлашди.