28 мар 11:21
Янгиликлар

Теннис

Омонмуродова Франциядаги турнирнинг чорак финалига чиқди

Тажрибали теннисчимиз Оқгул Омонуродова Франциянинг Круаси-Бобур шаҳрида ўтказилаётган турнирнинг жуфтлик баҳсларида кортга чиқди.

Мусобақанинг соврин жамғармаси 60 000 АҚШ долларини ташкил қилади. Яккаликнинг саралаш баҳсларида мағлубиятга учраган ҳамюртимиз энди бор эътиборини жуфтликдаги иштирокига қаратган.

Россиялик таниқли теннисчи Вера Звонарева билан тандем ҳосил қилган Омонмуродова жуфтлик мусобақасининг илк даврасида британиялик Тара Мур ҳамда америкалик Чиара Шоль ҳамкорлигини 7:6(4), 6:3 ҳисобида мағлуб этди.

Энди Оқгул ва Вера чорак финал учрашувида бельгиялик Ан-София Местах ҳамда франциялик Манон Арконгиоли жуфтлигига қарши баҳс олиб боришади. Бу икки теннисчи биринчи босқичда турнирнинг биринчи рақамли жуфтлигидан устун келишди.