14 июл 09:26
Янгиликлар
Теннис
Омонмуродова Москвада бош мукофот учун кортга чиқади
Россия Федерацияси пойтахти Москва шаҳрида хотин-қиз теннисчилар ўртасидаги турнир давом этмоқда.
Соврин жамғармаси 25 000 АҚШ долларини ташкил қилувчи турнирда ҳамюртимиз Оқгул Омонмуродова ҳам ўз имкониятини синовдан ўтказяпти. Теннисчимиз россиялик Валентина Ивахненко билан бирга иккинчи рақамли жуфтликни ҳосил қилган.
Оқгул ва Валентина ярим финал учрашувида россиялик теннисчилар - Дарья Афанасьева ҳамда Анна Целиковскаяжуфтлигини 6:4, 6:0 ҳисобида мағлуб этишди. Бугун улар бош мукофот учун баҳсда беларуслик теннисчилар - Илона Кремен ва Ирина Шиманович ҳамкорлигига қарши кортга чиқишади.
Эслатиб ўтамиз, Оқгул Омонмуродова Moscow Open 2017 турнирининг яккалик баҳслари биринчи даврасида турнирнинг саккизинчи ракеткаси, россиялик Анастасия Пивоваровага имкониятни бой бериб қўйганди.
Ҳавола :
Манба : olamsport.com
Фикрлар