Омонмуродова Питерда асосий тўрга чиқа олмади

“Фьючерс” туркумига кирувчи Neva Cup 2017 турнирида саралаш баҳслари якунланиб, асосий тўрга йўлланма олган барча теннисчилар номи маълум бўлди. Улар орасида ҳамюртимиз Оқгул Омонмуродова ҳам бўлиши мумкин эди.

Афсуски, саралашнинг тўртинчи ракеткаси бўлган тажрибали теннисчимиз финал учрашувида россиялик София Лансерега 6:7(8), 6:3, 2:6 ҳисобида имкониятни бой берди. Омонмуродова саралашнинг биринчи ва иккинчи даврасида россиялик теннисчилар - Анна Цялковскаяни 6:3, 6:1, Екатерина Шалимовани 6:3, 7:6(7) ҳисобида мағлуб этганди.