24 авг 15:30
Янгиликлар

Теннис

Омонмуродованинг яккалик баҳсларидаги юриши тўхтади

Туркиянинг Артвин шаҳрида теннис бўйича “Фьючерс” туркумига кирувчи турнирнинг асосий тўр баҳслари давом этмоқда.

Соврин жамғармаси 60 000 АҚШ долларини ташкил қилувчи мусобақада Оқгул Омонмуродова ҳам иштирок этяпти. Саралаш баҳслари орқали асосий тўрга йўлланма олган ҳамюртимиз илк даврада ҳам зафар қучган эди.

Афсуски, ҳозиргина якунига етган иккинчи босқич учрашувида теннисчимиз мағлубият аламини тотиб кўрди. Оқгул 57 дақиқа давом этган баҳсда турнирнинг 5-ракеткаси россиялик Анастасия Потаповага икки сетда ҳам бир хил 1:6 ҳисобида ютқазди.