Онс Жабер Мадриддаги турнир ярим финалчисига айланди

WТА рейтингида 10-ўринни эгаллаб турган тунислик Онс Жабер 1/4 финалда жаҳоннинг 21-ракеткаси, руминиялик Симона Халепни ишончли тарзда мағлуб этди - 6/3, 6/2.

Учрашув 69 дақиқа давом этган. Бу вақт давомида Онс иккита эйс, битта қўшхато ва тўртта брейк қайд этди. Симона эса битта эйс зарбасини амалга ошириб, икки бор қўшхатога йўл қўйди ва битта брейкдан унумли фойдаланди. 

Теннисчиларнинг ўзаро учрашувларида ҳисоб тенглашди – 2:2. Mutua Madrid Open мусобақасининг ярим финалида Жабер россиялик Екатерина Александрова ёки америкалик Аманда Анисимовага қарши баҳс олиб боради.