05 июн 18:13
Янгиликлар

Теннис

Онс Жабер "Ролан Гаррос" 1/4 финалига йўл олди

Дунёнинг еттинчи ракеткаси Онс Жабер "Катта Дубулға" туркумига кирувчи "Ролан Гаррос" турнирининг чорак финал иштирокчисига айланди.

Тунислик теннисчи 64 дақиқа давом этган баҳсда WTA рейтингида 36-ўринни эгаллаб турган америкалик Бернарда Перани ортиқча қийинчиликсиз мағлубиятга учратди - 6/3, 6/1.

Теннисчиларнинг ўзаро учрашувларида Онс ҳисобда олдинга чиқиб олди - 2:1. Жабер 1 та эйс, 4 та қўшхато, 8 та брейк қайд этди. Жабер фаолиятида илк бор French Open турнирининг ушбу босқичига етиб келган.

Тунисликнинг 1/4 финалдаги рақибаси испаниялик Сара Соррибес-Тормо ва бразилиялик Беатрис Хаддад Майя учрашувида маълум бўлади.