Open 13 Provence. Рублёв мавсумдаги илк совринини қўлга киритди

Мусобақада дунёнинг еттинчи ракеткаси Андрей Рублёв бош соврин соҳибига айланди. Россиялик теннисчи Open 13 Provence турнирининг финалида рейтингда ўзидан икки поғонада қуйида бораётган канадалик Феликс Ожени мағлубиятга учпатди - 7/5, 7/6(4).

Уч дақиқаси кам 2 соат давом этган баҳсда Андрей 9 та, Феликс эса 12 та эйс зарбани ижро этди. Теннисчиларнинг ўзаро учрашувларидаги ҳисоб Рублев ҳисобига бўлиб турибди - 3:1. 

Бу Андрейнинг жорий мавсумдаги биринчи соврини бўлди. Рублёв бир ҳафталик меҳнати учун 250 рейтинг очкоси ва 58,470 еврога эга бўлди. Оже эса Марселдан 150 балл ва 40,930 евро билан кетди.