22 апр 13:25
Янгиликлар

Бокс/ММА

Осиё чемпионати. Абдумалик жангсиз кейинги босқичга чиқди

Хабар берганимиздек, шу кунларда Таиланд пойтахти Бангкок шаҳрида бокс бўйича 2000-2001 йилларда туғилган ёшлар ўртасида Осиё чемпионати давом этмоқда.

Ҳозиргина яна бир ҳамюртимизнинг кейинги босқичга чиққани маълум бўлди. 56 кг вазн тоифасидаги боксчимиз Абдумалик Халоков рақиби филиппинлик Ямар Аутуакнинг сабабсиз рингга чиқмаганлиги сабабли жангсиз навбатдаги босқичга йўлланма олди.

Бироз аввал 49 кг вазн тоифасидаги чарм қўлқоп устамиз Содирбек Камолмирзаев Хитой Тайпейи вакили Лу Чиа-Хаони биринчи раунднинг ўзидаёқ иккита нокдаун эвазига рақибини техник нокаутга учратганди.

Бироздан сўнг ўтказиладиган жанглар:

52 кг: Самандар Холмуродов - Хан Жин Чол (КХДР)

60 кг: Рамазон Зиятов - Кубаничбек Уулу Умар (Қирғизистон)

64 кг: Ҳалимбек Утегенов - Талгат Шайкен (Қозоғистон)