22 апр 07:39
Янгиликлар

Бокс/ММА

Осиё чемпионати. Бир қизимизда ғалаба, иккинчисида мағлубият+ФОТО

Таиланд пойтахти Бангкок шаҳрида бокс бўйича 2000-2001 йилларда туғилган ёшлар ўртасида Осиё чемпионати давом этмоқда.

Кеча мусобақа дастурида тўрт нафар чарм қўлқоп устамиз рингга кўтарилди. Улардан уч нафари жангни ўз фойдасига ҳал қилди. 56 кг вазн тоифасида рингга чиққан Абдумалик Халоков мўғулистонлик Енкхтур Тегшжаргални, 69 кг вазндаги Жаҳонгир Раҳмонов эса хитойлик Тонг Гангни таслим этди.

54 кг вазнли қизлар ўртасидаги баҳсларда рингга чиққан ҳамюртимиз Мафтуна Файзуллаева япониялик Сатцуки Ёшизавани мағлубиятга учратиб, кейинги босқичга йўл олди. 57 кг вазн тоифасидаги вакиламиз Насиба Хайруллаева эса яна бир япон боксчиси Ириэ Сеннага ютқазиб қўйди.