20 апр 15:50
Янгиликлар

Бошқалар, Шахмат

Осиё чемпионати. Классик йўналишда ҳам биринчи бўлдик

Қитъамизнинг 10дан ортиқ давлатидан спортчилар иштирок этаётган Осиё чемпионатида бугун классик йўналишда ғолиб ва совриндорлар номи маълум бўлди.

Қувонарлиси, худди блиц йўналишида бўлгани каби бу турда ҳам ҳамюртларимиз медаллар жамғариш бўйича етакчилик қилишди. Терма жамоамиз аъзолари 4та олтин, 4та кумуш медални қўлга киритишди.

Эртага шашка бўйича Осиё чемпионатида рапид йўналишидаги баҳсларга старт берилади.

Эслатиб ўтамиз, шашкачиларимиз блиц йўналишида жами 22та медалга эгалик қилишган эди. Шулардан 6таси олтин, шунчаси кумуш, 10таси бронза медалларидир.

Маълумот учун, Осиё шашка федерацияси қитъа чемпионати мезбонлигини қаторасига учинчи маротаба пойтахтимизга ишониб топширган. Ҳар икки йилда бир бор ташкил этиладиган Осиё чемпионати 2013 ва 2015 йилларда ҳам Тошкент шаҳрида бўлиб ўтганди.