17 ноя 09:42
Янгиликлар

Бокс/ММА

Осиё чемпионати. Яна бир боксчимиз финалда қозоғистонлик рақибига қарши жанг ўтказди

Мўғулистон пойтахти Улан-Батор шаҳрида ўтказилаётган бокс бўйича ёшлар ўртасидаги Осиё чемпионати ўзининг ҳал қилувчи палласига кирди.

Хабар берганимиздек, бугун қитъа чемпионатида ҳал қилувчи финал жанглари ўтказилмоқда. Ҳозиргина -64 кг тоифасидаги финал жанги якунланди. Унда ҳамюртимиз Жавлонбек Йўлдошев қозоғистонлик Дархан Дуесбайга қарши рингга кўтарилди.

Афсуски, бу боксчимиз ҳам рақибига 0:5 ҳисобида имкониятни бой бериб, Осиё чемпионатининг кумуш медали билан Ўзбекистонга қайтадиган бўлди.