Осиё чемпионатида тарихий натижа қайд этган дзюдочиларимиз Бишкекдан қайтишди ФОТОРЕПОРТАЖ

Қитъа чемпионатида тўлиқ таркибда иштирок этган Илиас Илиадис ва Нелля Киямова мураббийлигидаги дзюдочиларимиз якунда 3 та олтин, 2 та кумуш, 5 та бронза медали билан 29 давлат орасида умумжамоа ҳисобида иккинчи ўринни эгаллаганди. Жамоавий баҳсларда эса Ўзбекистон терма жамоаси бронза медалини қўлга киритганди. 

Бундан бир неча дақиқа аввал терма жамоамиз делегацияси Бишкек - Тошкент авиа рейси билан юртимизга қайтиб келди. Ислом Каримов номидаги Тошкент халқаро аэропортида музаффар дзюдочиларимизни Ўзбекистон туризм ва спорт вазирлиги, Миллий олимпия қўмитаси мутасаддилари, кенг спорт жамоатчилиги ҳамда оммавий ахборот воситалари ходимлари кутиб олди.      

Энди режа бўйича терма жамоамиз қисқа танаффусдан сўнг 17 апрель куни ўқув-машғулот йиғинини ўтказиш мақсадида Грузиянинг тоғли Бакуриани шаҳрига жўнаб кетади. Ушбу йиғин Қозон "Катта Дубулға" турнирига тайёргарлик вазифасини ўтаб беради.