Осиё чемпионатидаги медалларимиз сони яна учтага кўпайди

Иккинчи куни бўлиб ўтган беллашувларда -63 кг вазнда даянга чиққан Зуҳра Очилова финалда иорданиялик Айшеҳ Алсадеҳни мағлуб этиб, олтин медални қўлга киритди. -59 кг ли қизлар баҳсида Милана Голубева финал йўлланмаси учун курашда эронлик Ялдо Валиннажотга имкониятни бой берди ва бронза медали билан кифояланди.

Ўғил болалар ўртасида кечган қизғин беллашувларнинг -63 кг вазн тоифасидаги таэквондо усталари баҳсида  Умиджон Салимов Жанубий кореялик тажрибали рақиби Сеунг Ван Кимга мағлуб бўлди ва Осиё чемпионатининг кумуш медалига лойиқ топилди.

Эслатиб ўтамиз, бир кун олдин бўлиб ўтган баҳсларда ўсмирларимиздан Улуғбек Рашидов (-45 кг) кумуш, Мадинабону Маннопова (-44 кг) бронза медалини қўлга киритган эди.

Осиё чемпионатида қитъамизнинг 246 нафар спортчиси 10тадан вазн тоифасида куч синашишди. 22-24 апрель кунлари эса катталар G1 туркумига кирувчи Қозоғистон очиқ чемпионатида кортга чиқадилар.