16 июл 07:01
Янгиликлар

Дзюдо

Осиё чемпионатига йўл олаётган дзюдочиларимизга омад тиланди + ФОТО

Хабар берганимиздек, 18-21 июль кунлари Таиланд пойтахти Бангкок шаҳрида ўсмирлар ва ёшлар ўртасида Осиё чемпионати бўлиб ўтади.

Ушбу қитъа чемпионатида 16 давлатдан 400 нафарга яқин ёш дзюдочилар ўз вазн тоифаларида ғолиблик учун татамига чиқадилар. Ўзбекистон терма жамоаси ҳар икки ёш тоифасида тўлиқ таркиб билан Осиё чемпионатида иштирок этади.

Ўзбекистон Миллий олимпия қўмитаси раиси ўринбосари, мамлакат дзюдо федерацияси раиси Азизжон Камилов Тоҳир Файзиев мураббийлигидаги ўсмирларимиз билан учрашди. Камилов ёшларга мурожаат қилиб, давлатимиз томонидан тақдим этилган бу имкониятлардан максимал даражада фойдаланган ҳолда, Осиё чемпионатида янги тарих саҳифасини очишга чақирди.

Ўз ўрнида кадетларимиз ҳам Бангкок татамиларида бор имкониятларини ишга солишга ваъда беришди.