Осиё чемпионатининг сўнгги куни 2 та медаль қўлга киритилди + ФОТО

Мусобақанинг яккалик баҳсларидаги сўнгги куни Ўзбекистон терма жамоаси 2 та бронза медалини қўлга киритди. Энг оғир вазн (+100 кг) тоифасида татамига чиққан дзюдочиларимиз - Бекмурод Олтибоев ва Шоҳруҳ Бахтиёров терма жамоамизга бронза медалини тақдим этишди. 

Шу тариқа, Ўзбекистон терма жамоаси Осиё чемпионатидаги иштирокини 1 та олтин, 2 та кумуш, 6 та бронза медали билан умумжамоа ҳисобида 3-ўрин билан якунлади. Дзюдо ванати Япония кутилганидек, 9 та олтин, 3 та кумуш медали билан биринчи бўлди. Иккита олтин, 5 та бронза медалига эга чиққан Мўғулистон иккинчи ўринни эгаллади. 

Таққослаш учун, ўтган йили Бишкек шаҳрида ўтказилган Осиё чемпионатида Ўзбекистон терма жамоаси Япониядан кейин иккинчи ўринни банд этганди. Бу галги Осиё чемпионатида жамоамизга ягона олтин медални Диёра Келдиёрова (-52 кг) тақдим этди.