Осиё Очиқ Кубогининг биринчи куни 4 та медаль қўлга киритилди + ФОТО

Жами саккиз давлат терма жамоаларининг икки юз нафардан зиёд спортчилари иштирок этаётган мусобақада ўзбекистонлик дзюдочилар ҳам медаллар учун татамига чиқишмоқда. Дзюдочиларимиз бугунги беллашувларда 4 та медалга эга чиқишди. -73 кг вазн тоифасидаги вакилимиз Муроджон Йўлдошев барча рақибларини енгиб, мусобақа ғолибига айланди. У олтин медаль учун кечган баҳсда қозоғистонлик Жанболат Багтбергеновни мағлубиятга учратди. 

Аёллар ўртасидаги мусобақанинг -48 кг вазн тоифаси беллашувларида юртимиз шарафини ҳимоя қилган Гулнур Муратбаева бронза медалига сазовор бўлди. У бронза учун кечган баҳсда яна бир юртдошимиз Фотимахон Турсунбоевадан устун келди. Терма жамоамизга учинчи ва тўртинчи бронза медалларни Шукуржон Аминова ҳамда Мухлиса Ганжаева тақдим этди. -57 кг вазндаги дзюдочи қизларимиз бронза медали учун бўлиб ўтган беллашувларда мос равишда россияликлар - Данна Нагучева ҳамда Вита Майданикдан устун келишди.     

Шохсупага кўтарилган дзюдочиларимиз:

-73 кг: Муроджон Йўлдошев - ОЛТИН

-48 кг: Гулнур Муратбаева - БРОНЗА

-57 кг: Шукуржон Аминова, Мухлиса Ганжаева - БРОНЗА