Осиё ўйинлари-2018. Бешинчи медални қўлга киритдик!

Ҳозиргина таэквондо мусобақасида бронза медалига эга бўлдик. Аёллар ўртасидаги баҳсларда -67кг вазн тоифасида юртимиз шарафини ҳимоя қилган Нигора Турсунқулова ярим финалга қадар етиб борди ва ану шу бронза медалини терма жамоамизга тақдим этди. 

У ярим финал бахсида таэквондо ватани - Жанубий Корея вакиласи Жанди Кимга 4:14 ҳисобида имкониятни бой бериб қўйди. Эркин ва юнон-рум кураши, дзюдодан фарқли равишда таэквондо мусобақасида ярим финалда ютқазган спортчилар тўғридан-тўғри бронза медалига эга бўлишади.  

Ўзбекистон терма жамоаси ҳисобидаги медаллар сони 5тага етди. Спортчиларимиз ҳозирга қадар 1та олтин, 1та кумуш ва 3та бронза медалларини қўлга киритишган. Ҳозирча Қозоғистон терма жамоаси билан бирга 9-10 ўринларни бўлишиб турибмиз.

Суратлар муаллифи - Ҳасан Пирмуҳаммедов