Осиё ўйинлари-2018. Бугун ҳамюртларимиз 6та спорт турида баҳсларга киришишади

Бугун эса бир нечта спорт турларида баҳсларга старт берилади, айримлари эса давом эттирилади. Бизнинг асосий эътиборимиз ўзбекистонлик спортчиларнинг қитъа ўйинларидаги иштирокига қаратилади. Бугун ҳамюртларимиз сузиш, теннис, академик эшкак эшиш, ушу, қиличбозлик, эркин кураш ҳамда футбол мусобақаларида иштирок этишади.  

Гуруҳ босқичи ғолиби сифатида плей-офф йўлланмасини муддатидан аввал қўлга киритиб улгурган футбол бўйича Ўзбекистон терма жамоаси бугун 3-тур учрашувини таиландлик футболчиларга қарши ўтказишади. "Пакансари" стадионидаги ўйин Тошкент вақти билан соат 17:00 (Индонезия вақти 19:00)да бошланади. 

Сузиш бўйича терма жамоамизнинг 3 нафар аъзоси бугун 200 метр масофага ўтказиладиган турнирнинг саралаш ҳамда финал баҳсларида иштирок этишади. Алексей Тарасенко ва Хуршиджон Турсунов эркин йўналишда, Артём Козлюк баттерфляй, Юлдуз Қўчқарова эса чанқанча усулдаги мусобақада стартга чиқади. GBK Aquatic Center аренасида Тошкент вақти билан соат 07:00-12:00 оралиғида саралаш, 16:00-20:00да эса финал баҳслари ўтказилади.