Осиё ўйинлари. Ўн биринчи кунда 4 та медалга эга чиқдик, уларнинг иккитаси олтин

Кун якунига кўра, Ўзбекистон терма жамоаси аъзолари 2 та олтин, 1 та кумуш ва 1 та бронза медалини қўлга киритди. 

Олтин:

Жалгасбай Бердимуратов (Спорт курашлари)

Шарифа Давронова (Енгил атлетика)

Кумуш:

Муҳаммадқодир Тоштемиров (Оғир атлетика)

Бронза:

Тўрабек Ҳабибуллаев (Бокс).

- - - - - 

Ушбу саҳифа орқали кун доирасида иштирок этаётган спортчиларимизнинг натижаларидан онлайн равишда бохабар бўлиб боришингиз мумкин бўлди.

САҲИФАНИ ЯНГИЛАШ

18:50. Футболчиларимиз Корея Республикасига 1:2 ҳисобида ютқазишди. Энди вакилларимиз бронза медали учун майдонга тушишади.

17:49. Сувга сакраш. Афсуски Игорь Мялин 10 метрли платформадан сакраш баҳсларида 6-ўринни эгаллади ва медаль қўлга кирита олмади. 

17:45. Шахматчи қизларимиз Ҳиндистонга 0:4 ҳисобида ютқазиб қўйишди. 

17:41. Футбол. Афсуски футболчиларимиз 38-дақиқада Кореядан иккинчи голни ўтказиб юборишмоқда. Ҳозирча 1:2. Ютқазяпмиз.

17:39. Оғир атлетикачимиз Муҳаммадқодир Тоштемировдан кумуш медаль! У даст кўтаришда 159, силтаб кўтаришда 192, умумий ҳисобда 351 кг натижа кўрсатди ва кумуш медални қўлга киритди!

17:28. Бу вақтга қелиб футбол бўйича терма жамоамиз Корея Республикаси билан 1:1 ҳисобида дуранг қайд этмоқда. Жасур Жалолиддинов жаримадан ажойиб гол билан ҳисобни тенглаштирди!

17:18. ОЛТИНННН!!! Енгил атлетикачимиз Шарифа Давронова учхатлаб сакраш баҳсларида 14.09 натижа кўрсатди ва олтин медални қўлга киритди! 17 ёшли Шарифа мазкур Осиё ўйинларида фаолиятидаги энг яхши натижасини қайд этди! БАЛЛИ!

17:00. Оғир атлетика. Муҳаммадқодир Тоштемиров  даст кўтаришда 159 кг натижа кўрсатди. У ҳозирча иккинчи ўринда. Олдинда силтаб кўтариш баҳслари бор. 

16:50. Шахмат. Ўзбекистон эркаклар терма жамоаси Мўғулистонни 3:1 ҳисобида мағлуб этди. Жавоҳир Синдаров ва Шамсиддин Воҳидов ғалаба қозонди, Нодирбек Абдусатторов ва Нодирбек Якуббоев дуранг қайд этди.

16:44. Бокс. Абдумалик Халоков ярим финалда хитойлик рақибини 5:0 ҳисобида мағлуб этди ва финалга йўл олди! Ушбу ғалаба орқали у Париж Олимпиадаси лицензиясини ҳам қўлга киритди!

16:41. ОЛТИННН!!! Юнон-рум курашчимиз Жалгасбай Бердимуратов финалда эронлик рақибини 7:4 ҳисобида мағлуб этди ва олтин медални қўлга киритди!

16:10. Шарифа Давронова уч хатлаб сакрашдаги иштирокини бошламоқда. 

16:05. Жалгасбай Бердимуратов иштирокидаги финалга оз қолмоқда.

16:00. Оғир атлетика. Муҳаммадқодир Тоштемиров ўз иштирокини бошламоқда. 

15:00. Маҳмуд Баҳшиллоев бронза медали учун баҳсда Қирғизистон вакилига имкониятни бой берди ва медалсиз қолди. 

14:12. Исломжон Баҳромов бронза медали учун кечган баҳсда кореялик рақибга 4:5 ҳисобида имкониятни бой берди ва 5-ўрин билан кифояланди.

14:00. Спорт курашларида медаллар учун баҳслар бошланди. 

12:15. Боксчимиз Тўрабек Хабибуллаев ярим финалда хитойлик кучли рақибга имкониятни бой бериб қўйди ва Осиё ўйинларининг бронза медалини қўлга киритди.

12:00. Ҳасанбой Дўсматов ярим финалда япониялик рақибини 4:1 ҳисобида мағлубиятга учратди ва финалга йўл олди! Ушбу ғалаба орқали Ҳасанбой Париж Олимпиадаси лицензиясини ҳам қўлга киритди!

— Игорь Мьялин иштирокидаги финал беллашуви Тошкент вақти билан 16:30 да бошланади.

11:30. Чим устида хоккей. Ўзбекистон терма жамоаси 9-ўрин учун кечган баҳсда Индонезияга 1:4 ҳисобида мағлуб бўлди ва мусобақани 10-ўринда якунлади.

11:26. Игорь Мьялин 10 метрга сувга сакраш баҳсларида саралаш босқичида иштирок этиб, 341.30 очко жамғариб, финалга йўл олди. 

10:55. Шахмат. 6-тур учрашувлари бошланишига оз қолмоқда. Бу турда эркаклар терма жамоамиз Мўғулистон, қизларимиз эса Ҳиндистонга қарши баҳс олиб борадилар.

10:46. Велошоссе. Спортчиларимиз бугунги иштирокини якунлади. 141 кмга кечган баҳсда Ольга Забелинская 3:36:08 вақт билан тўққизинчи, Янина Кускова эса 3:36:10 вақт билан ўн тўртинчи бўлди. 

10:25. От спорти. Конкурчиларимиз тонгги дастурда индивидуал ҳамда жамоавий йўналишда иштирок этишган эди. Аҳамиятлиси, Бекзод Қурбонов, Хуршидбек Алимжонов, Умиджон Комилов, Баҳромжон Газиевдан иборат терма жамоамиз индивидуал баҳсларда 2-саралаш босқичига, жамоавий баҳсларда финал босқичига йўл олди. Уларнинг кейинги чиқиши 11:00 да бошланади.

— Тошкент вақти билан 14:00 да юнон рум кураши бўйича бронза ва финал беллашувлари старт олди. Унда уч нафар ҳамюртимиз гиламга чиқади:

Бронза, 60 кг. Исломжон Баҳромов - Чунг Ҳанжае (Корея Республикаси)

Бронза, 67 кг. Маҳмуд Бахшиллоев - Раззак Беишеекев (Қирғизистон)

Финал, 87 кг. Жалгасбай Бердимуратов - Насир Ализаде (Эрон) 

9:58. Дилшод Омонгелдиев ўтиш босқичида кореялик Ким Ҳьёнво билан жанг қилди ва 3:6 ҳисобида мағлуб бўлди.

9:30. Исломжон Баҳромов (60 кг) ярим финал доирасида қирғизистонлик Жоламан Шаршенбеков билан жанг қилди ва 0:11 ҳисобида мағлуб бўлди.

9:25. Жалгасбай Бердимуратов финалда! Ҳамюртимиз ярим финал босқичида япониялик Суми Масатони 3:1 ҳисобида таслим этди.

9:13. Маҳмуд Бахшиллоев ярим финал босқичида япониялик Эндо Катсуакига қарши гиламга чиқиб, 1:6 ҳисобида мағлуб бўлди.

8:39. Дилшод Омонгелдиев чорак финалда эронлик Амин Кавиянинежага 3:5 ҳисобида имкониятни бой бериб қўйди. Эндиликда ҳамюртимиз ўтиш босқичида иштирок этади.

8:35. Исломжон Баҳромов чорак финалда хитойлик Лигуо Саони 3:1 ҳисобида мағлуб этди ва ярим финал масаласини ҳал қилди.

8:31. Маҳмуд Бахшиллоев туркманистонлик, Жалгасбай Бердимуратов эса қозоғистонлик рақибини мағлуб этиб, ярим финалга йўл олди.

7:42. Исломжон Баҳромов (60 кг) ҳам илк жангини ўтказди. Ҳамюртимиз вьетнамлик Тиен Ҳай Буйга қарши кечган жангда 8:0 ҳисобида ғалаба қозонди ва чорак финалга йўл олди.

7:19. Юнон-рум курашчимиз Маҳмуд Бахшиллоев (67 кг) нимчорак финал босқичида ҳиндистонлик Нираж билан жанг қилди ва 5:3 ҳисобида ғалаба қозониб, чорак финалга йўл олди.

7:07. Велошоссе. Янина Кускова ҳамда Ольга Забелинская ўз иштирокини бошлади.

7:00. Айни дамда от спортининг конкур йўналишида вакилларимиз ўз чиқишини давом эттирмоқда.

Ассалому алайкум ҳурматли спорт ишқибозлари. Ўзбекистонлик спортчиларнинг иштирокига оид онлайн матнли трансляциямизни бошлаймиз.

- - - - - -

4 октябрь куни Осиё ўйинларида иштирок этувчи ўзбекистонлик спортчилар рўйхати:

6:00. - От спорти. Индивидуал, 1-раунд. Бекзод Қурбонов, Хуршидбек Алимжонов, Умиджон Комилов, Баҳромжон Газиев

6:00 дан сўнг. - От спорти. Жамоавий, 1-раунд. Ўзбекистон (Бекзод Қурбонов, Хуршидбек Алимжонов, Умиджон Комилов, Баҳромжон Газиев)

7:00. - Велошоссе. Аёллар, финал. Янина Кускова, Ольга Забелинская

7:00. - Юнон-рум кураши. 60 кг, нимчорак финал. Исломжон Баҳромов - Тиен Ҳай Буй (Вьетнам)

7:00. - Юнон-рум кураши. 67 кг, нимчорак финал. Маҳмуд Бахшиллоев - Н. Нираж (Ҳиндистон)

7:00. - Юнон-рум кураши. 77 кг, чорак финал. Дилшод Омонгелдиев - Ҳ. Ким (Корея)/А. Кавиянинежа (Эрон) баҳси ғолибига қарши

7:00. - Юнон-рум кураши. 87 кг, чорак финал. Жалгасбай Бердимуратов - Ҳиеу Дин (Вьетнам)/М. Сайлау (Қозоғистон) баҳси ғолибига қарши

9:45. - Чим устида хоккей. Эркаклар, 9-10-ўрин учун. Ўзбекистон - Индонезия

10:00. - Сувга сакраш. Эркаклар, саралаш. Игорь Мьялин

11:45. - Бокс. Эркаклар, -51 кг, ярим финал. Ҳасанбой Дўсматов - Томоя Цубои (Япония)

12:00. - Шахмат. Эркаклар, жамоавий, 6-тур

12:00. - Шахмат. Аёллар, жамоавий, 6-тур

12:00. - Бокс. Эркаклар, -80 кг, ярим финал. Тўрабек Ҳабибуллаев - Танглайтан Тўхтарбай (Хитой)

16:00. - Оғир атлетика. Эркаклар, 81 кг. Муҳаммадқодир Тоштемиров

16:10. - Енгил атлетика. Аёллар, узунликка сакраш. Шарифа Давронова

16:30. - Бокс. Эркаклар, -57 кг, ярим финал. Абдумалик Халоков - Пинг Лю (Хитой)

17:00. - Футбол. Эркаклар, ярим финал. Ўзбекистон - Жанубий Корея.