Осиё ўйинларининг ўнинчи кунида 3 та олтин, 1 та кумуш ва 3 та бронзага эга чиқдик

3 октябрь куни ўзбекистонлик спортчилар 3 та олтин, 1 та кумуш ва 3 та бронза медалларини қўлга киритишди.

Олтин:

Олга Забелинская (велоспорт)

Шоҳмурод Холмуродов/Нурислом Тўхтасин ўғли (эшкак эшиш)

Сафина Садуллаева (енгил атлетика)

Кумуш:

Светлана Радзивил (енгил атлетика)

Бронза:

Шаҳризода Мавлонова, Арина Танатмишева, Екатерина Шубина, Юлия Борзова (эшкак эшиш)

Шоҳсанам Шерзодова/Нилуфар Зокирова (эшкак эшиш)

Нигина Ўктамова (бокс)

Ушбу саҳифа орқали кун доирасида иштирок этаётган спортчиларимизнинг натижаларидан онлайн равишда бохабар бўлиб боришингиз мумкин бўлди.

САҲИФАНИ ЯНГИЛАШ

18:24. Баҳодир Жалолов хитойлик рақибини 1-раунддаёқ нокаутга учратди! Ушбу ғалаба орқали Баҳодир финалга йўл олди. Шунингдек, у Париж Олимпиадаси лицензиясига ҳам эга чиқди. 

18:00. Сувга сакраш. Ўзбекистон терма жамоаси аъзолари Вьячеслав Качанов 6, Игор Мялин эса 11-ўрин билан тугатди. Финалда 12 нафар спортчи қатнашганди. 

17:37. Ўзбекистонда олтин ва кумуш медаллар!!! Енгил атлетиканинг баландликка сакраш йўналишида Сафина Садуллаева олтин, Светлана Радзивил эса кумуш медални қўлга киритди. 

Сафина ва Радзивил 1.86 метр баландликни забт этди. Лекин Сафина камроқ хато қилгани сабабли, биринчи ўринни банд этди! Ушбу йўналишда қозоғистонлик спортчи бронза медалига сазовор бўлди. 

17:30. Спортча альпинизм. Асал Исламова 1/8 финалда хитойлик рақибасига ютқазди. 

16:58. Футбол. Ўзбекистон аёллар терма жамоаси КХДРга 0:8 ҳисобида мағлуб бўлди. Энди қизларимиз 6 октябрь куни Хитой - Япония ўйинида мағлуб бўлган жамоага қарши бронза медали учун баҳс олиб борадилар. 

16:50. Шахмат. Ўзбекистон эркаклар терма жамоаси Хитой билан дуранг ўйнади. Шамсиддин Воҳидовда ғалаба. Нодирбек Абдусатторов ва Жавоҳир Синдаров дуранг ўйнади, Жаҳонгир Воҳидов эса имкониятни бой берди. 

16:45. Абдумалик Халоков филиппинлик рақибини 5:0 ҳисобида мағлуб этди ва ярим финалга йўл олди! Навбатдаги рақиб - КХДР вакили бўлади!

16:30. Шахмат. Ўзбекистон аёллар терма жамоаси (Умида Омонова, Афруза Ҳамдамова, Маржона Маликова, Мафтуна Бобомуродова) Гонконгни 4:0 ҳисобида мағлубиятга учратди.

16:00. Енгил атлетикада баландликка сакраш баҳслари бошланмоқда. Светлана Радзивил ва Сафина Садуллаева медаллар учун даъвогар!

15:00. Футбол. Ўзбекистон аёллар терма жамоаси КХДРга қарши ярим финал ўйинини бошлашди. 

13:00. Ҳасанбой Дўсматов чорак финалда покистонлик рақибини 5:0 ҳисобида мағлуб этди ва ярим финалга йўл олди! Энди у ярим финалда япониялик Томоя Тсубоига қарши рингга кўтарилади.

12:55. Трамполин. Миршохид Ҳасанбоев финалда тўртинчи натижани кўрсатди ва афсуски медалсиз қолди.

12:25. Шахматчиларимиз ҳам ўз иштирокларини бошлаб юборишган. Эркаклар терма жамоамиз Хитой, қизларимиз эса Гонконг вакилаларига қарши дона суришмоқда.

12:20. Трамполин. Миршоҳид Ҳасанбоев 10 нафар спортчи ичида 5-натижани қайд этди ва финалга йўл олди! 

12:16. Велошоссе. Алексей Фомовский 51:05.75 натижа билан 6-ўрин бўлди ва афсуски баҳсларни медалсиз якунлайдиган бўлди. 

11:50. Велоспортчимиз ҳозирча оралиқда 5-натижани кўрсатди. Маррагача озгина қолмоқда.

11:40. Сувга сакраш. Терма жамоамиз аъзолари Вьячеслав Качанов ва Игор Мялин саралашдан ўтиб, финал босқичига йўл олишди. 

11:36. Камондан отиш. Амирхон Содиқов чорак финалда Жанубий Корея вакилига 2:6 ҳисобида ютқазди.

11:30. Боксчимиз Нигина Ўктамова ярим финалда КХДР вакиласига қарши жанг қилди ва афсуски 0:5 ҳисобида имкониятни бой бериб қўйди. Шу тариқа, Нигина Осиё ўйинларини бронза медали билан якунлайдиган бўлди. Энг муҳими у Париж Олимпиадаси учун лицензияни қўлга киритиб улгурган! БРОНЗА!

11:22. Велоспортчимиз Алексей Фомовский стартга чиқди.

11:15. Боксчимиз Нигина Ўктамованинг КХДР вакиласига қарши жанги бошланди.

11:14. Велоспорт. Шосседа Алексей Фомовский стартга чиқишга ҳозирлик кўрмоқда.

11:02. Гимнастиканинг трамполин йўналишида ҳамюртимиз Миршоҳид Ҳасанбоев ўз чиқишини бошламоқда.

10:55. Сувга сакраш баҳсларида терма жамоамизнинг икки нафар аъзоси ўз иштирокини давом эттирмоқда. 

10:15. Спортча альпинизм. Марк Рогалев ҳам ўз иштирокини якунлади. Спортчимиз 6.975 вақт билан 25 нафар спортчи орасида ўн тўққизинчи натижани қайд этди. У сааралаш босқичидан ўта олмади.

9:17. Спортча альпинизм. Асал Исломова 12.077 вақт билан 18 нафар спортчи орасида ўн бешинчи натижани қайд этди. Бу финал йўлланмаси учун етарли бўлмади.

9:01. Каноеда эшкак эшиш бўйича аёллар жуфтлиги ўртасида 200 метрга кечган финал баҳсида Шоҳсанам Шерзодова, Нилуфар Зокировадан иборат терма жамоамиз 47.029 сония билан маррага учинчи бўлиб келди ва бронза медалини қўлга киритди!

8:47. Аёллар ўртасида 500 метрга кечган тўртлик финалида Шаҳризода Мавлонова, Арина Танатмишева, Екатерина Шубина, Юлия Борзовадан иборат терма жамоамиз 1:42.958 натижа билан маррага учинчи бўлиб етиб келди ва Осиё ўйинларининг бронза медалини қўлга киритди! Ҳамюртларимиз сўнгги лаҳзага қадар иккинчи ўринда келаётган эди, аммо охирги сонияда кореяликлар кумуш медални ўзлариники қилишди.

8:38. Байдаркада эшкак эшиш. 500 метрга Аёллар тўртилик финали старт олмоқда. Унда Ўзбекистон терма жамоаси (Шаҳризода Мавлонова, Арина Танатмишева, Екатерина Шубина, Юлия Борзова) ҳам иштирок этади.  

8:06. Самандар Ҳайдаров, Вильям Ибрагимов, Денис Онуфриев ҳамда Озоджон Амриддинов иштирок этган байдаркада эшкак эшишнинг 500 метрга кечган тўртлик финалида 1 дақиқа 26.939 сония вақт билан бешинчи натижани қайд этди. 

8:04. Байдаркада эшкак эшиш бўйича 500 метрга тўртлик финали старт олмоқда. Унда Самандар Ҳайдаров, Вильям Ибрагимов, Денис Онуфриев, Озоджон Амриддиновдан иборат термамиз иштирок этади.

Айни дамда медаллар жамғариш рейтингида кучли бешликга қайтдик:

7:54. ОЛТИННН! Шоҳмурод Холмуродов ва Нурислом Тўхтасин ўғлидан иборат жуфтлигимиз каноеда эшкак эшиш бўйича 1000 метрга кечган финал баҳсида барча рақибларидан устун келди ва олтин медални тақдим этди! Ҳамюртларимиз 3 дақиқа 43.796 сония натижа қайд этди.

7:45. Каноеда эшкак эшиш бўйича 100 метрга эркаклар ўртасидаги финал бошланмоқда. Унда терма жамоамиз вакиллари ҳам иштирок этади.

7:19. Мадинахон Ашрафхонова байдаркада эшкак эшиш бўйича 500 метрга кечган финал баҳсида 2:07.104 натижа қайд этиб, тўққиз нафар спортчи орасида еттинчи ўринни эгаллади. 

7:00. Каноеда эшкак эшиш. Аёллар ўртасида 200 метрга кечган баҳсларда Шоҳсанам Шерзодова 49.539 натижа қайд этди ва афсуски, тўртинчи ўринни эгаллади. Спортчимизга бронза медали учун юздан икки сония етмай қолди.

6:58. Байдарка ва каноеда эшкак эшувчиларимиз иштирокидаги финаллар старт олмоқда.

6:51. Куннинг илк олтин медали!!! Ольга Забелинская индивидуал велошоссе пойгасини 24:35.9 вақт билан 14 нафар спортчи орасида олтин медални қўлга киритди! Маълумот учун, пойга 18.3 км масофада ўтказилди.

6:42. Айни дамда Ольга Забелинская велошоссе пойгасида иштирокини давом эттирмоқда. 

Ассалому алайкум ҳурматли спорт ишқибозлари. Ўзбекистонлик спортчиларнинг иштирокига оид онлайн матнли трансляциямизни бошлаймиз.

- - - - - -

3 октябрь куни Осиё ўйинларида иштирок этувчи ўзбекистонлик спортчилар рўйхати:

6:00. - Велоспорт. Шоссе. Аёллар, индивидуал, финал. Ольга Забелинская

7:00. - Каноеда эшкак эшиш. Аёллар, яккалик, 200 метр, финал. Шоҳсанам Шерзодова

7:15. - Байдаркада эшкак эшиш. Аёллар, яккалик, 500 метр, финал. Мадинахон Ашрафхонова

7:50. - Каноеда эшкак эшиш. Эркаклар, жуфтлик, 1000 метр, финал. Ўзбекистон (Шоҳмурод Ҳолмуродов, Нурислом Тўхтасин ўғли)

8:05. - Байдаркада эшкак эшиш. Эркаклар, тўртлик, 500 метр, финал. Ўзбекистон (Самандар Ҳайдаров, Вильям Ибрагимов, Денис Онуфриев, Озоджон Амриддинов)

8:30. - Спортча альпинизм. Аёллар, саралаш. Асал Исломова

8:45. - Байдаркада эшкак эшиш. Аёллар, тўртлик, 500 метр, финал. Ўзбекистон (Шаҳризода Мавлонова, Арина Танатмишева, Екатерина Шубина, Юлия Борзова)

9:00. - Каноеда эшкак эшиш. Аёллар, жуфтлик, 200 метр, финал. Ўзбекистон (Шоҳсанам Шерзодова, Нилуфар Зокирова)

9:10. - Спортча альпинизм. Эркаклар, саралаш. Марк Рогалев

10:00. - Сувга сакраш. Эркаклар, 3 метр, саралаш. Вячеслав Качанов, Игорь Мьялин

11:00. - Гимнастика (Трамполин). Эркаклар, 1-раунд. Миршоҳид Ҳасанбоев

11:00. - Велоспорт. Шоссе. Эркаклар, индивидуал, финал. Алексей Фомовский

11:15. - Бокс. Аёллар, -54 кг, ярим финал. Нигина Ўктамова - Чолми Панг (Шимолий Корея)

11:20. - Камондан отиш. Эркаклар, яккалик, чорак финал. Амирхон Содиқов - Вусьёк Ли (Корея Республикаси)

12:00. - Шахмат. Эркаклар, жамоавий, 5-тур. Ўзбекистон - Хитой

12:00. - Шахмат. Аёллар, жамоавий, 5-тур. Ўзбекистон - Гонконг

12:40. - Бокс. Эркаклар, -51 кг, чорак финал. Ҳасанбой Дўсматов - Зоҳаиб Рашид (Покистон)

15:00. - Футбол. Аёллар, ярим финал. Ўзбекистон - Шимолий Корея

16:00. - Енгил атлетика. Аёллар, баландликка сакраш, финал. Сафина Садуллаева, Светлана Радзивил

16:25. - Бокс. Эркаклар, -57 кг, чорак финал. Абдумалик Халоков - Карло Палаам (Филиппин)

18:10. - Бокс. Эркаклар, +92 кг, ярим финал. Баҳодир Жалолов - Данабаик Байкузи (Хитой).