Озарбайжон терма жамоасида ишлаётган ўзбекистонлик таниқли бокс мураббийи Европа чемпионатида можароли вазият келтириб чиқарди (ВИДЕО)

У Сербиянинг Златибор шаҳрида бўлиб ўтган мактаб ўқувчилари ўртасидаги Европа чемпионатида жанжал иштирокчисига айланди. Воқеа юзасидан Озарбайжон бокс федерацияси баёнот берди. 

"75 кг вазн тоифасида иштирок этган Юсиф Агакишиев ва Виктор Мажстрович ўртасидаги финал жангида юз берган воқеалар юзасидан баёнот. Техник директор Хамза Авезов финал жангида спорт этикасига амал қилмагани учун Озарбайжон бокс федерациясининг кўрсатмалари ва қоидаларига мувофиқ чоралар кўрилади. Юқорида айтиб ўтилган жангда шимолий македониялик ҳакам Стефан Субалевски ўз шахсий манфаатларини устун қўйиб, холис ҳаракат қилмади ва боксчимизни чемпионлик унвонидан яққол маҳрум қилди. Шу муносабат билан федерация тегишли халқаро ташкилотга ҳакамга нисбатан чора кўриш учун мурожаат тайёрламоқда", дейилади хабарда.

Можаро видеолавҳаси: