21 сен 18:58
Янгиликлар

Дзюдо

Ўзбек дербисида Шарофиддин Болтабоев Тошкент Гран-приси ғолибига айланди

Пойтахтимиздаги муҳташам "Ҳумо Арена"да ўтказилаётган дзюдо бўйича Тошкент Гран-присининг иккинчи кунги баҳслари якуни сари яқинлашмоқда.

Ҳозиргина -81 кг вазн тоифасида ҳал қилувчи финал беллашуви якунланди. Олтин медаль учун кечган учрашувда ўзбекистонлик дзюдочилар - Камолиддин Расулов ва Шарофиддин Болтабоев ўзаро тўқнаш келишди.

Муросасиз кечган ўзига хос ўзбек дербисида Шарофиддин Болтабоев ғалаба қозониб, Тошкент Гран-приси чемпионига айланди. Ғолиб полвон Токио Олимпиадасининг қимматли 700 рейтинг очкосини ҳам қўлга киритди.