Ўзбек хоккейи ҳакамлик мактаби тарбияланувчиси АҚШдан расмий таклиф олди

"Ўзбекистон хоккей ҳакамлик мактаби тарбияланувчиси Сергей Ермаков USA Hockey ҳакамларни ривожлантириш бўйича элит дастурига расмий таклиф олди. Дастур 8–13 июнь кунлари Колорадо-Спрингс шаҳрида бўлиб ўтади ва NCAA (АҚШ талабалар миллий спорт ассоциацияси)нинг етакчи мутахассислари раҳбарлигида истиқболли ҳакамларни бирлаштиради.

Бундай ютуқлар Ўзбекистон хоккей федерациясининг тизимли ва изчил олиб бораётган ишлари натижасидир. Федерация қисқа вақт ичида ўйинчилар, мураббийлар ва ҳакамларнинг халқаро даражада ривожланиши учун зарур шароитларни яратишга муваффақ бўлди. Бу Ўзбекистон хоккейи ривожи учун яна бир муҳим қадам ва мутахассисларимиз даражасининг халқаро миқёсда тан олинаётганидан далолатдир", дейилади ташкилот хабарида.