Ўзбекистон - АҚШ тарихий матчи минимал устунлик билан якунланди. Накамура, Аронян, Каруана, Со сингари жаҳон юлдузлари бир неча бор мағлуб этилди

Катта масштабдаги мини-турнирнинг биринчи куни рапид йўналиши бўйича 4 та тур ўйинлари ўтказилиб, унда дунёнинг биринчи рақамли терма жамоаси АҚШ кичик 5:3 ҳисобида устун келганди.  

1-тур: АҚШ — Ўзбекистон 2.5:1.5

2-тур: АҚШ — Ўзбекистон 2:2 

3-тур: АҚШ — Ўзбекистон 2.5:1.5

4-тур: АҚШ — Ўзбекистон 1.5:2.5

Рапид якунига кўра умумий ҳисоб:

Доскалар бўйича очколар: АҚШ — Ўзбекистон 8.5:7.5

Жамоавий очколар: АҚШ — Ўзбекистон 5:3

Мусобақанинг иккинчи куни 8 та турдан иборат тезкор, яъни блиц баҳслари ўтказилди. Биринчи куни рапидда бўлгани сингари бу сафар ҳам юлдузли таркибга эга мезбонлар икки очко фарқи билан зафар қучишди - 9:7.  

Якуний натижалар:

Рапид: АҚШ — Ўзбекистон 5:3

Блиц: АҚШ — Ўзбекистон 9:7

Умумий ҳисоб: АҚШ — Ўзбекистон 14:10

Ўртача рейтинглардаги 62 очколик фарққа қарамай, (АҚШ: 2761 vs Ўзбекистон: 2699), ёш гроссмейстерларимиз ҳар бир доска ва турда дунё рейтинги етакчиларига қарши муносиб қаршилик кўрсатишди. Дунёнинг Топ-10`талигида бораётган Фабиано Каруана, Ҳикару Накамура, Уэсли Со, Левон Аронян сингари мега юлдузлар ёш гроссмейстерларимиз томонидан бир неча бор мағлуб этилди. 

Ўзбекистон терма жамоаси таркиби:

Жавоҳир Синдаров — 2777

Нодирбек Абдусатторов — 2761

Нодирбек Якуббоев — 2685

Шамсиддин Воҳидов — 2655

Муҳиддин Мадаминов — 2611

АҚШ терма жамоаси таркиби: 

Фабиано Каруана — 2792

Ҳикару Накамура — 2792

Уэсли Со — 2765

Леньер Домингес — 2732

Левон Аронян — 2720