23 дек 07:43
Янгиликлар

Бокс/ММА

Ўзбекистон бокс федерациясида "Очиқ эшиклар куни" ташкил этилди + ФОТО

Теглар : Бокс

22 декабрь куни Ўзбекистон бокс федерацияси томонидан "Очиқ эшиклар куни" ташкил этилди.

Унда Ўзбекистон бокс федерацияси раҳбарияти, мураббийлар, боксчилар, мухлислар ва ОАВ вакиллари иштирок этишди.

Ушбу тадбирни ўтказишдан мақсад, мамлакатимизда боксни янада оммалаштириш, аҳолининг ушбу спорт турига қизиқувчи қатламини бокс билан янада яқинроқ таништириш эди.

Тадбир давомида ёш боксчилар йиғилганлар учун жанглар ташкил этиб беришди. Якунда иқтидорли спортчиларга диплом ва медаллар тақдим этилди.

Ёшлар Олимпиадаси чемпиони, ёшлар ўртасидаги Жаҳон ва Осиё чемпиони Абдумалик Халаков, шунингдек профессионал боксчимиз Олимжон Назаров ҳам мазкур тадбирда иштирок этиб, ёш боксчилар билан мулоқот қилди. Мухлислар боксчиларимиз билан суҳбатлашиб, суратга тушиш имконига эга бўлишди.

Ўзбекистон бокс федерацияси матбуот хизмати