Ўзбекистон чемпионатининг тантанали очилиш маросимидан жонли ФОТОРЕПОРТАЖ

Айнан иккинчи кунги финал беллашувлари олдидан мусобақанинг тантанали очилиш маросими ўтказилди. Тадбирда Ўзбекистон Туризм ва спорт вазирлиги, Миллий олимпия қўмитаси, Мудофаа вазирлиги, қатор федерациялар раҳбарлари, кенг спорт жамоатчилиги ҳамда оммавий ахборот воситалари ходимлари иштирок этди. 

Маросимда Ўзбекистон Миллий олимпия қўмитаси Бош котиби Ойбек Касимов ҳамда МОҚ раиси ўринбосари, мамлакат дзюдо федерацияси раиси Азизжон Камилов сўзга чиқиб, юртимизда давлатимиз раҳбари томонидан профессионал ва оммавий спортга қаратилаётган эътибор, соғлом турмуш тарзини айнан жисмоний фаоллик эвазига қарор топтириш устувор масала эканлигига урғу қаратишди. 

Тадбир давомида Ўзбекистон Республикасида хизмат кўрсатган артист Рашид Халиков, "Бек" доирачилари, Ўзбекистон ёшлар балет гуруҳларининг чиқишлари мажмуага келган дзюдо мухлисларига катта қувонч улашди.

Суратлар муаллифи - Алимурод МАМАДАМИНОВ