UZ

Сўнгги янгиликлар

20:04Дзюдо. Ўзбекистон жамоавий баҳсларда кумуш медалга эга чиқди 0 20:00АПЛ. "Манчестер Сити"да мағлубият, Абдуқодир Ҳусанов эса... 0 19:19"Аспиналл жангларда Мухаммад Алига ўхшайди" - UFC собиқ чемпиони 0 18:55АҚШ Президентининг махсус вакили Олимпия шаҳарчаси билан таништирилди 0 18:33"Царукян Топурия билан тик турган ҳолатда жанг қилишга мажбур бўлади" - Двалишвили 0 18:10Аканжи "Манчестер Сити"ни Лондон клубига алмаштириши мумкин 0 17:40"Бу битта халқ". Али Абдель-Азиз Кавказ жангчилари ўртасида адоват чиқараётганларни айблади 0 17:17Ўзбекистонда янги спорт федерацияси иш бошлади 0 16:39"Сабрсизлик билан кутяпман" - Дмитрий Бивол 0 16:29Бўлажак педагоглар футболда ҳам эътирофда 0 16:10Дзюдо. Ярим финалда Мўғулистон мағлуб этилди, финалдаги рақибимиз - жиддий! 0 16:02ЕЧЛ. "Қайрат" - "Реал" ўйини учун чипталар нархи қанча? 0 15:40Маҳмуд Мурадов ўзига янги қимматбахо автомобиль харид қилди (ФОТО) 0 15:15ITA кураш бўйича ўзбекистонлик Жаҳон чемпионини дисквалификация қилди 0 14:41Промоутер Жошуа қачон Фьюри билан жанг қилмоқчи эканлиги ҳақида гапирди 0

20 май 11:55
Янгиликлар

Тадбирлар

Ўзбекистон делегацияси “Rossiya-Islom dunyosi KazanExpo 2023” форумида қатнашди

Ёшлар сиёсати ва спорт вазири Адҳам Икрамов, МОҚ Бош котиби Ойбек Касимов бошчилигидаги делегация Россия Федерациясининг Қозон шаҳрида “Rossiya-Islom dunyosi KazanExpo 2023” форумида иштирок этди.

Тадбир доирасида минтақада спорт йўналишида ўзаро ҳамкорликни янги босқичга олиб чиқиш бўйича учрашувлар ўтказилди.

Ўзбекистон делегацияси ташриф давомида Татаристон Республикаси раиси Рустам Минниханов, Россия Федерацияси Спорт вазири Олег Матицин билан учрашиб, Ўзбекистон ва Россия ўртасида спорт соҳасида янги режаларни кўриб чиқишди. Тадбир доирасида ҳар икки мамлакат спорт вазирларининг қўшма комиссия йиғилиши ҳам ўтказилиб, якунда давлатлар ўртасида ҳамкорлик бўйича меморандум имзоланди.

Қайд этиш жоиз, Қозон шаҳрига Россия спортининг пойтахти, дея таъриф берилади. Бу бежиз эмас. Боиси кўплаб спорт турларидаги Россия терма жамоалари Қозон шаҳрида йирик мусобақаларга тайёргарлик кўради. 

Шунингдек, ушбу шаҳар 2013 йил Бутунжаҳон ёзги Универсиада ўйинлари, 2015 йил сув спорти турлари бўйича жаҳон чемпионати, 2018 йил футбол бўйича Жаҳон чемпионати баҳсларини, 2021 йил эса биринчи МДҲ ўйинларини қабул қилган. Бир сўз билан айтганда, у ерда спорт учун яратилган инфратузилма аъло даражада.

Мутасаддилар учрашув давомида келгуси мусобақаларга биргаликда тайёргарлик кўриш, терма жамоалар иштирокида қўшма йиғинлар ўтказиш ҳақида фикр алмашишди. Шунингдек, суҳбатда “Тошкент-2025” ёшлар Осиё ўйинларига тайёргарлик кўришда Қозон тажрибасини ўрганиш ҳам кун тартибидаги масалалардан жой олди.

Сафар давомида Станислав Поздняков бошчилигидаги Россия Олимпия қўмитаси мутасаддилари билан ҳам учрашув ўтказилди. Унда томонлар ўртасидаги узоқ йиллик дўстона алоқаларни янада мустаҳкамлаш, соҳадаги сўнгги ютуқлар бўйича тажриба алмашиш бўйича мунозаралар олиб борилди.

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг