Ўзбекистон IBA жаҳон чемпионатида қатнашадими? Федерация раҳбарияти жавоб берди

Olamsport.com сайти журналисти Азиз Тўхтамуродов ўзбекистонлик боксчиларнинг ушбу мусобақадаги иштироки борасида Ўзбекистон бокс федерацияси бош котиби Шоҳид Тиллабоевга мурожаат қилди.

Федерация бош котибининг жавоби эса қуйидагича бўлди: 

"Бизга қолса биз ушбу ЖЧда қатнашган бўлардик. Чунки биз учун IBA ёки World Boxing ташкилоти бўладими, ёки WBC мусобақалари бўладими, бу мураббийлар штабига маъқул келадиган бўлса, боксчиларимизнинг ривожланиши учун, кейинги мусобақаларга тайёргарлик вазифасини бажариши учун юборамиз. 

Бу масалада, кеча биз хат қабул қилдик. Декабрь ойида IBA'нинг Конгресси бўлади ва ўша вақтда Дубай шаҳрида Жаҳон чемпионати ўтказилиши режалаштирилган. Имкон берсангиз, бу саволга биз кейинроқ расмий жавоб берамиз. 

Лекин, ҳозирги кунда биздан юқори турувчи мутасаддилардан бу борада кўрсатма кутяпмиз. Ўйлайманки, бунинг ёмон жойи йўқ. Чунки, Олимпия қўмитасидан хеч қандай тақиқ йўқ. Шундай экан, бизда ушбу мусобақада қатнашиш имконияти бор", - деди Шоҳид Тиллабоев.