Ўзбекистон крикет федерацияси Осиё крикет Кенгаши аъзолигига расман қабул қилинди

Шунингдек, мазкур Конгрессда крикет бўйича бажарилаётган ишлар сарҳисоб қилинди. Конгресс регламентига мувофиқ, асосан крикет ривожланаётган мамлакатларнинг Осиё крикет кенгашига аъзолик масалалари муҳокама қилинди.  

Ушбу Конгрессга расман таклиф қилинган Ўзбекистон крикет федерацияси раиси Азиз Михлиев ҳам тадирда иштирок этиб, Ўзбекистонда тобора ривожланиб бораётган крикет спорт турининг бугунги муваффақиятлари хусусида маълумот берди.

Қувонарлиси, Ўзбекистон крикет федерацияси томонидан Осиё крикет Кенгашига аъзолик учун йўллаган аризасини кенгаш аъзолари ижобий кўриб чиқишди ва Осиё крикет Кенгашига янги аъзо сифатида расман қабул қилинди. 

Шунингдек, августь ойида ОКК аъзолари мамлакатимизга ташриф буюриши ва ЎКФ фаолияти билан яқиндан танишиш ниятида эканлигини маълум қилди.

ЎКФ матбуот матбуот котиби Илҳом РАҲМОНОВ тайёрлади