UZ

Сўнгги янгиликлар

19:59Фазлиддин Рафиқов Жаҳон чемпионатини бронза билан якунлади 0 19:30Илия Топурия UFC'даги мотивацияси нима эканлигини айтди 0 18:22"Чемпионлик камарини қўлга киритишимга ишонаман". Прохазка Ульберг билан реванш ўтказишга умид қилмоқда 0 17:37"Октагон ташқарисида ҳам жанг қилишимиз мумкин". Двалишвили Нурмагомедов билан эҳтимолий реванш ҳақида гапирди 0 16:30ОЧЛ. "Ал-Иттиҳод"нинг малилик легионери "Пахтакор"га қарши ўйинни ўтказиб юборади 0 15:15Енгил атлетикачи Хушноза Шавкатова энди АҚШнинг Орегон университети жамоаси шарафини ҳимоя қилади 0 14:12Алжамейн Стерлинг Волкановски билан жанг қилиб, икки вазн тоифасида чемпион бўлмоқчи 0 13:00Самбочиларимиз ШҲТ Очиқ турнирини умумжамоа ҳисобида биринчи ўринда якунлашди 0 12:05Ўзбекистон мезбонлик қиладиган U-17 Осиё кубогининг барча иштирокчилари маълум бўлди 0 11:12Жошуа Тайсонни нокаутга учратишга ваъда берди 0 10:24Амирхон Алихўжаев кейинги жангини Хотамбек Бойназаровнинг собиқ рақибига қарши ўтказади 0 09:55Руслан Абдуллаев олтинчи ғалабасини олтинчи раундда қўлга киритди 0 09:33"Манчестер Юнайтед" Почеттинони таклиф қилиш учун қанча тўлагани маълум бўлди 0 08:35Миршоҳид Тиллабоев — WORLD BOXING вице-президенти! 0 07:22Дзюдо. Саъдулла Равшанов жаҳон чемпионатининг кумуш медалига эга чиқди 0

07 окт 09:14
Янгиликлар

Бошқалар

Ўзбекистон крикет федерациясида янги тайинлов

Ўзбекистон крикет федерацияси раҳбарияти таркибида янги тайинлов амалга оширилди.

Федерация раиси Азиз Михлиевнинг қарори билан фалсафа фанлари доктори (DSc), профессор Исомиддинов Юнусжон Юсуббоевич Ўзбекистон крикет федерацияси вице-президенти лавозимига тайинланди.

Янги тайинланган вице-президент кўп йиллик касбий фаолияти давомида ҳуқуқни муҳофаза қилувчи идоралар, давлат бошқаруви органлари, Ёшлар ишлари агентлиги ҳамда Олий таълим, фан ва инновациялар вазирлиги тизимларида фаолият юритиб, давлат ва жамоат бошқаруви соҳаларида салмоқли тажриба тўплаган.

Профессор Юнусжон Исомиддиновнинг илмий-педагогик фаолияти, бошқарув соҳасидаги тажрибаси ва турли тизимлардаги амалий кўникмалари федерациянинг келгусидаги фаолиятида муҳим аҳамият касб этиши кутилмоқда.

Янги раҳбарият аъзосининг асосий вазифаларидан бири мамлакатимизда крикет спортини янада оммалаштириш, ёшлар ва ўсмирларни ушбу спорт турига кенг жалб этиш, ҳудудларда крикет инфратузилмасини ривожлантириш ҳамда спортчилар учун янги имкониятлар яратишга қаратилган ташаббусларни қўллаб-қувватлашдан иборат бўлади.

Шунингдек, Ўзбекистон крикетининг халқаро спорт майдонидаги иштирокини кенгайтириш, халқаро ташкилотлар билан ҳамкорликни мустаҳкамлаш ва миллий терма жамоалар салоҳиятини ошириш йўналишларида ҳам тизимли ишлар давом эттирилиши кўзда тутилган.

Ўзбекистон крикет федерацияси профессор Юнусжон Исомиддиновни янги лавозим билан муборакбод этади ва унга масъулиятли фаолиятида муваффақиятлар тилайди.

Ушбу тайинлов федерация фаолиятини янада такомиллаштириш, бошқарув салоҳиятини кучайтириш ва мамлакатимизда крикет спортини янги босқичга олиб чиқишга хизмат қилишига ишонч билдирилди.

Ўзбекистон крикет федерацияси матбуот хизмати

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг