Ўзбекистон МТЖ ноябрь ойида Тошкентда Жаҳон чемпионига қарши ўйнайди - championat.asia

Championat.asia сайти маълумотига кўра, Ўзбекистон ноябрь ойида Уругвай терма жамоасига қарши иккита ўртоқлик учрашуви ўтказади. 1930 ва 1950 йилги Жаҳон чемпиони ҳисобланган Уругвайга қарши баҳслардан бири Тошкентда бўлиб ўтиши режалаштирилмоқда. Иккинчи ўйин эса Осиё қитъасида ўтади. 

Эслатиб ўтамиз, Ўзбекистон бунга қадар икки марта Уругвайга қарши ўртоқлик ўйини ўтказган ва бир хил 0:3 ҳисобларида мағлуб бўлган. Биринчи тарихий баҳс 2018 йил Монтевидеода ўтган бўлса, иккинчи тўқнашув 2019 йил Хитой мамлакатида содир бўлган.

Маълумот учун, Ўзбекистон терма жамоаси октябрь ойида Аргентинага қарши ўртоқлик учрашуви ўтказиши ҳақида хабарлар чиққан эди.