02 авг 15:45
Янгиликлар

Токио-2020

Ўзбекистон спорт делегацияси Риога етиб борди

Кеча куннинг иккинчи ярмида Тошкент-Рим авиа йўналиши орқали йўлга чиққан Ўзбекистон спорт делегацияси 31-Ёзги олимпия ўйинлари ўтказилувчи Рио-де-Жанейро шаҳрига етиб борди.

Тўрт йилликнинг энг нуфузли мусобақасида роппа-роса 70 нафар спортчимиз спортнинг 13та тури бўйича юртимиз шарафини ҳимоя қилишади. Ҳар доимгидек, спортчиларимиз орасидан биринчилардан бўлиб дзюдочиларимиз иштирокларини бошлашади. -60 кг вазн тоифасида Диёрбек Ўрозбоев татамига чиқади.

6 август кунидан бокс баҳслари ҳам бошланади. Бу сафарги Олимпиадада тўлиқ таркибдаги – 10 нафар чарм қўлқоп устамиз рингга кўтарилади. Хотин-қиз боксчилар мусобақасида эса боксимиз тарихида илк бор вакиламиз Ёдгорой Мирзаева ўз имкониятини синовдан ўтказади.

Тез орада Риодаги Олимпия қишлоғида Ўзбекистон давлат байроғининг кўтариш маросими бўлиб ўтади. 5 август куни машҳур “Маракана” стадионида ўтказиладиган тантанали очиши маросимида эса боксчимиз Баҳодир Жалолов мамлакатимиз байроғини сарбаланд кўтариб ўтади.