06 окт 14:22
Янгиликлар

Дзюдо

Ўзбекистон терма жамоаси жаҳон чемпионатининг бронза медаллари учун татамига чиқади + ФОТОРЕПОРТАЖ

Тожикистон пойтахти Душанбе шаҳри мезбонлик қилаётган дзюдо бўйича ёшлар ўртасидаги жаҳон чемпионати ўз якунига етиб бормоқда.

Бугун мусобақанинг сўнгги куни аралаш жуфтлик баҳслари ўтказиляпти. Бироз аввал саралаш баҳслари якунланиб, медаллар учун курашадиган жуфтликлар маълум бўлди.

Ўзбекистон терма жамоаси аввалига Хитойни 4:2 ҳисобида таслим этди. Чорак финалда Японияга имкониятни бой (0:4) берди. Бронза медали йўлидаги ўтиш баҳсида Туркия терма жамоаси мағлуб этилди - 4:0.

Энди бизнинг вақт билан соат 16:00да бошланадиган беллашувда дзюдочиларимиз Озарбайжонга қарши жаҳон чемпионатининг бронза медаллари учун татамига чиқишади. Корея Республикаси ва Мўғулистон терма жамоалари баҳсида иккинчи бронза медали тақдири ҳал бўлади. Финалда эса Япония ва Франция терма жамоалари ўзаро ҳисоб-китоб қилишади.