UZ

Сўнгги янгиликлар

20:09Оғир атлетикачимиз Осиё чемпионатида мутлақ чемпион бўлди 0 19:17Перейра дебют жангидаёқ UFC рекордини ўрнатади 0 18:56Виржил Ортис: "Мен у билан жанг қилмоқчиман — тез орада бу тўқнашув амалга ошади" 0 18:35Фабрицио Романо Элдор Шомуродов трансфери бўйича маълумот берди 0 18:14UFC Қатарда турнир ўтказишини эълон қилди 0 17:53Спорт вазирлигида паралимпия ҳаракатини ривожлантиришга бағишланган тақдимот бўлиб ўтди 0 17:32UAE Warriors чемпиони Хотамбек Бойназаровнинг кейинги жанги санаси ва манзили маълум бўлди 0 17:11Рустам Ашурматов "Истиқлол" футболчисига айланди 0 16:50АҚШда жангида мағлуб бўлганидан бир неча соат ўтиб, 37 ёшли боксчи вафот этди 0 16:29Пара таэквондо терма жамоамиз халқаро очиқ челленж мусобақасида иштирок этади 0 16:08Расман. Эннис IBF чемпионлик камаридан воз кечди 0 15:47Рустам Ашурматов "Истиқлол"да тиббий кўрикдан ўтди + ФОТО 0 15:26Уимблдон. Арина Соболенко 1/2 финалда ўйнайди 0 15:05Президент қарори қабул қилинди: Ўзбекистон спортчилари Олимпия ва Паралимпия ўйинларига комплекс тайёрланади 0 14:44Самарқанд FIDE Grand Swiss 2025 иштирокчилари тасдиқланди 0

30 апр 14:25
Янгиликлар

Футбол

Ўзбекистон терма жамоасининг Эронга қарши ўйини сабаб Суперлига ўйинлари вақтида ўзгаришлар бўлади

Ўзбекистон миллий терма жамоасининг 19 май куни бўлиб ўтадиган Эронга қарши ўйини сабаб Суперлига тақвимида ўзгариш юзага келди.

Эрон ва Ўзбекистон термаларининг Теҳронда ўтиши керак бўлган халқаро ўртоқлик учрашувлари 17 май санасига келишилган бўлиб, ПФЛ Суперлига тақвимини шунга қараб мослаштирганди. Бироқ кейинчалик форслар 19 май санаси бўйича келишув таклиф қилди. Шу тариқа ўртоқлик ўйинининг ўтиши сўроқ остида қолди. Аммо яқинлашиб келаётган Осиё Ўйинлари сабаб терма жамоа мураббийлар штаби Эронга қарши учрашувни керакли деб ҳисоблади.

Шундан сўнг ЎФА ҳамда ПФЛ масала ечимини терма жамоага нисбатан кўпроқ футболчилар бераётган клублар бош мураббийлари ҳукмига қолдирди. Агар улар Эронга қарши учрашув ҳеч нарса бермаслиги борасида қарор чиқарса, Теҳрондаги ўйин бекор бўлиши керак эди. “Пахтакор”, “Бунёдкор”, “Насаф”, “Навбаҳор” мураббийлари иштирок этган йиғилишда ЖЧ чиптасини қўлга киритган термага қарши ўйин фойдали бўлиши таъкидланди. Келишув ўз кучида қолиши учун мураббийлар таклиф берди — Суперлиганинг 12-тур беллашувлари бошқа санага кўчирилиши керак эди.

Шундан келиб чиқиб, ПФЛ 12-тур вақтларига ўзгартириш киритди. Эронга қарши халқаро ўртоқлик ўйини эса ўз кучини сақлаб қолди.

12-тур беллашувлари 20 май куни старт олиб, 22 май куни якунига етиши керак эди. Эндиликда “Насаф” ҳамда “Нефтчи” клублари ўртасидаги беллашув 14 май — душанба кунига кўчди. АГМК — “Бунёдкор”, “Навбаҳор” — Металлург”, “Сўғдиёна” — “Пахтакор” учрашувлари эса 15 май санасига тайин қилинди. Осиё Чемпионлар Лигасида иштирок этаётган Ўзбекистон клубларининг халқаро майдондан четда қолгани айнан шу кунларда бўшлиқ ҳосил қилаётганди.

Миллий терма жамоа Эронга 17 май куни йўл олади ҳамда 20 май санасида қайтиб келади. Терма жамоа лагерига нисбатан камроқ футболчисини жўнатаётган “Қўқон-1912” ҳамда “Локомотив” клублари иштирокидаги 2 та ўйин 22 май — сешанба куни бўлиб ўтади.

Суперлига
12-тур
14 май, душанба

“Насаф” — “Нефтчи”

15 май, сешанба
АГМК — “Бунёдкор”
“Навбаҳор” — “Металлург”
“Сўғдиёна” — “Пахтакор”

22 май, сешанба
“Қўқон-1912” — Бухоро
“Локомотив” — “Қизилқум”  

Кейинроқ ўйинлар вақти Рамазон тақвимидан келиб чиқиб белгиланади.

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг