10 фев 09:59
Янгиликлар

Футбол

Ўзбекистон U-17 терма жамоаси бугун Словакия билан ўйнайди

Ислом Исмоилов бошчилигидаги Ўзбекистон U-17 терма жамоаси апрель ойида Саудия Арабистонида бўлиб ўтадиган U-17 Осиё Кубогига тайёргарлик кўрмоқда.

Вакилларимиз мусобақага муносиб тараддуд олиб бориш мақсадида айни пайтда Анталияда ўқув-машғулот йиғинларини олиб бормоқда. Терма жамоамиз мазкур йиғин доирасида “Antalya Youth Cup” халқаро турнирида иштирок этади. Бугун ҳамюртларимиз илк учрашувини Словакияга қарши ўтказади. Ўйин бизнинг вақт билан соат 13:00да старт олади.

Маълумот учун, Ўзбекистон U-17 терма жамоаси бу мусобақада шунингдек Марокаш ва Чехия ўсмирлари билан беллашади.