Ўзбекистон ва Қозоғистондан Осиё чемпионати финалига неча нафардан боксчи етиб келди? (Барча жуфтликлар)

World Boxing томонидан ташкил этилаётган қитъа биринчилигида бугун ёшлар (U-19) ўртасида Осиё чемпионати ғолиб ва совриндорлари аниқланади. Ярим финалда мағлубиятга учраган боксчилар аллақачон бронза медалларини нақд қилиб улгуришди. Бугунги финал жангларида терма жамоамизнинг 10 нафар боксчиси Осиё чемпионлиги учун рингга кўтарилади. 

Таққослаш учун, медаллар йўлидаги асосий рақибимиз ҳисобланган Қозоғистон терма жамоасининг 7 нафар боксчиси финал жангларида рингга чиқади. Улардан 5 нафари ўғил болалар, қолган 2 нафари қизлардир. 

Ён қўшниларимиздан Адилет Тортубек (60 кг), Бейбарис Аширбай (70 кг), Тимур Тайбеков (80 кг), Нурсултан Кистаубай (85 кг) ва Расул Асанханов (90 кг) финалда ўз жангларини ўтказишади. Қозоғистонлик қизлардан Аяжан Ермек (57 кг) ва Куралай Егинбайкизи (80 кг) олтин медаллар учун баҳс олиб боради. 

Ўзбекистон терма жамоаси аъзоларидан 10 нафари финалга етиб келгани ҳақида хабар бердик: 6 та ўғил болалар, 4 та қизларда финал

Ҳамюртларимиздан Осиё чемпионлиги учун Жаҳонгир Зайниддинов (65 кг), Абдулазиз Жўрақулов (70 кг), Муҳаммаджон Ёқуббоев (75 кг), Норбек Абдуллаев (80 кг), Самир Собиров (85 кг), Ислам Салихов (+90 кг), Мафтуна Мусурмонова (48 кг), Севара Маматова (60 кг), Райҳона Қурбонбоева (70 кг) ва Собирахон Шаҳобиддинова (+81 кг) рингга чиқади. 

Учта жуфликда ўзбек-қозоқ боксчилари қарама-қаршилига гувоҳ бўламиз:

70 кг: Бейбарис Аширбай - Абдулазиз Жўрақулов 

80 кг: Тимур Тайбеков - Норбек Абдуллаев 

85 кг: Нурсултан Кистаубай - Самир Собиров 

Боксчиларимизнинг финал жанглари билан танишинг:

-60 кг: Севара Маматова - Вини (Ҳиндистон) 09:45

-70 кг: Райҳона Қурбонбоева - Абудурейиму Алимире (Хитой) 10:15

+80 кг: Собирахон Шахобиддинова - Парчи Токас (Ҳиндистон) 11:00

-48 кг: Мафтуна Мусурмонова - Чиранан Даппҳонҳан (Таиланд) 11:15

-65 кг: Жаҳонгир Зайниддинов - Маусам Суҳаг (Ҳиндистон) 11:45

-70 кг: Абдулазиз Жўрақулов - Аширбай Бибарис (Қозоғистон) 12:00

-75 кг: Муҳаммаджон Яқупбоев - Раҳул Кунду (Ҳиндистон) 12:15

-80 кг: Норбек Абдуллаев - Тимур Таибеков (Қозоғистон) 12:30

-85 кг: Самир Собиров - Нурсултан Кистаубай (Қозоғистон) 12:45

+90 кг: Ислам Салиҳов - Орхан Агҳаев (Бирлашган Араб Амирликлари) 13:15