Ўзбекистон ва Россия дзюдо федерациялари стратегик ҳамкорликни кенгайтирмоқда

Музокаралар бугунги кунда жаҳон дзюдосида муҳим ўрин эгаллаб, йирик халқаро мусобақаларда салмоқли натижалар кўрсатган ҳолда миллий мактабларни изчил ривожлантириб келаётган Ўзбекистон ва Россия федерацияларининг юксак обрў-эътиборини тасдиқлади.

Эришилган ютуқларни мустаҳкамлаш, профессионал ҳамкорликни кенгайтириш ва дзюдони янги босқичга олиб чиқишга интилиш ҳамкорлик меморандумини имзолашга асос бўлди.

Битим қўшма ўқув-машғулот йиғинларини ўтказиш, мутахассислар ўртасида тажриба алмашиш, таълим лойиҳаларини амалга ошириш, спорт тиббиётини ривожлантириш, шунингдек, дзюдони оммалаштириш ҳамда истиқболли спортчиларни терма жамоага етказиб беришда муҳим рол ўйнайдиган клуб тизими ҳаракатини қўллаб-қувватлашни назарда тутади.