Ўзбекистон ва Россия ҳамкорлиги юзасидан Меморандум имзоланди

Тадбирда Ўзбекистон сузиш федерацияси биринчи вице-президенти Саидахрол Ғуломов, федерация вице-президенти Шуҳрат Сатторов ҳамда Бош котиб Алишер Ғаниев, шунингдек, Россия сув полоси федерацияси биринчи вице-президенти Евгений Шаронов иштирок этишди.

Имзоланган хужжатга кўра, эндиликда ҳар икки давлат сузиш федерациялари ҳамкорликда олимпия ўйинлари дастуридан ўрин олган спортнинг ушбу турини янада ривожлантириш мақсадида ҳар икки томонга манфаатли бўлган истиқболли лойиҳалар ишлаб чиқилади ва амалиётга тадбиқ этилади.

Меморандум имзолаш маросимида, шунингдек, сув полоси бўйича ЕвроОсиё лигасини ташкил этиш ва унда Ўзбекистон жамоаларини иштирокига оид масала ҳам муҳокама қилинди.

Тадбирда Россия сув полоси федерацияси биринчи вице-президенти Евгений Шаронов сўзга чиқиб, мамлакатимизда спортга, хусусан, сув полосини ривожлантиришга қаратилаётган эътиборни юқори баҳолади ва ўзаро ҳамкорлик ришталарини кенгайтириш мақсадида имзоланган меморандум, ҳар икки давлатда сув полосини янада тараққий этишига хизмат қилажагини мамнуният билан таъкидлади.

Меморандум имзолаш маросими сўнгида Евгений Шароновга Ўзбекистон сузиш федерациясининг эсдалик совғалари топширилди.