Ўзбекистон хоккейининг байроқдори - "Ҳумо" 5 ёшда!

Беш йил ичида клуб биринчи ютуқларга эришиб, ўсишни ва ривожланишни бошлади. Биринчи 2018/2019 - мавсум Ўзбекистон чемпионатининг доимий мавсумида "Ҳумо" биринчи ўринни эгаллади, аммо ярим финалда бўлажак чемпионлар - "Семурғ"га мағлуб бўлиб, бронза медали соҳибига айландилар.

2019/2020 - мавсумда "Ҳумо" Олий Хоккей Лигаси (ҳозирги Бутунроссия хоккей лигаси)да иштирок этди. Нолдан йиғилишни бошлаган жамоа плей-офф босқичига ўтиб, биринчи турда лиганинг кўпкарра чемпиони - Нефтекамскнинг "Торос"ини енгиб ўтди. Жамоа, "Ҳумо Арена" каби ОХЛнинг юлдузчаси эди. Ҳар бир ўйин мухлислар учун ҳақиқий байрам эди. Мухлисларнинг сони кундан-кун ўсиб борарди. 

2020 йилнинг 4 март куни 1/8 босқичнинг "Торос"га қарши олтинчи учрашувида 7267 нафар мухлис ўйинга ташриф буюрди ва "Ҳумо" учинчи маротаба ОХЛнинг рекордини янгилади. Аммо пандемия мавсумни якунлашга йўл бермади.

Кейинги икки йил давомида, маълум сабабларга кўра, "Ҳумо" профессионал даражадаги чемпионатларда иштирок этмади, лекин барча эътибор "Ҳумо" болалар хоккей мактабига қаратилди. Ёш тарбияланувчилар ўз уйларида ҳам, халқаро мусобақаларда ҳам ғалабаларга эришишди. Мактабнинг икки жамоаси доимий равишда Қозоғистон чемпионатида иштирок этар эди. Болалар жамоаси Бишкекдаги Қирғизистон Президенти кубогида, шунингдек, ўз уйларида ўтказилган турнирларда иштирок этишди.

2022 йилнинг июль ойида "Ҳумо" ХК Қозоғистоннинг Pro Hokei Ligasy'да иштирок этиши ҳақида хабар берилди. Жамоага биринчи таркибдан Роман Смирягин, Жавохир Расулов ва Павел Синявскийлар қайтди. Катта хоккейни соғинган мухлислар жамоанинг янги таркибини ҳам яхши кўриб қолдилар. Жамоа ҳозирда турнир жадвалида учинчи ўринни мустаҳкам эгаллаб турибди ва расман плай-оффга йўл олди.

Хулоса қилиб айтиш мумкин-ки, Ўзбекистон хоккейининг байроқдори, пандемияга қарамай, дастлабки беш йил ичида ўз тараққиёти учун мустаҳкам пойдевор яратди.

Таваллуд айём муборак, "Ҳумо"!