Ўзбекистонда Россиянинг Жанубий ва Шимолий-Кавказ округлари бокс федерацияси ваколатхоналари очилди

Ўзбекистонга ташрифи давомида Сергей Васильевич юртдошимиз Дониёр Эргашев билан ҳам учрашди ва бир қатор масалалар юзасидан музокара ўтказди. 

Маълумот учун, Дониёр Хайруллаевич Эргашев 1993 йилда Ўзбекистонда профессионал боксни яратиш ташаббускорларидан бири ҳисобланади. Профессионал боксда WBA, WBC, WBO ташкилотлари билан ҳамкорликда ишлаган, мазкур ташкилотлар томонидан ташкил этилган ҳакамлик семинарлари, промоутерлик йиғинларида, йиллик йиғилишларида қатнашган. Тегишли синовлардан муваффақиятли ўтиб, ҳакамлик лицензиясига ҳам эга бўлган.

Ўзбекистонда биринчилардан бўлиб промоутерлик лицензиясига эга бўлган. Бунинг самараси ўлароқ, 1998 йилда илк маротаба Тошкентда WBA ташкилотининг PABA (ПанОсиё бокс ассоциацияси) чемпионлик камари учун жанг ташкил этилган ва унда ҳамюртимиз Фурқат Турсунов 12 раундлик жангда россиялик Сергей Королёвни мағлубиятга учратганди.

Сергей Костенко ҳамда Дониёр Эргашев ўртасидаги учрашув давомида Костенко ҳамюртимизнинг ишчанлик ва касбий маҳоратини инобатга олган ҳолда уни Россия Жанубий ва Шимолий-Кавказ профессионал бокс федерациясининг Ўзбекистондаги ваколатхонаси раҳбари этиб тайинлади. 

Томонлар учрашув давомида ҳамкорликнинг дастлабки босқичлари муҳокама қилинди. Шунингдек, профессионал боксчиларнинг қўшма йиғинлари, молиявий масалалар бўйича фикр алмашилди.