Ўзбекистонда туғилган боксчи Эррол Спенсга Мэнни Пакьяо билан жангга тайёргарлик кўришда ёрдам беради

Ярим ўрта вазн тоифасида WBА йўналишида жаҳон чемпионлигига мажбурий даъвогар россиялик Ботир Аҳмедов келаси ҳафта Эррол Спенс билан спарринг ўтказиш учун АҚШга боради. Ботир бу ҳақда АllBoxing.ru муҳаррири Кирилл Ивановга берган интервьюсида маълум қилган.

"Эррол Спенс жамоасидан Мэнни Пакьяога қарши жангга тайёргарлик кўришда ёрдам бериш таклифи берилди. Улар Архенис Мендесга қарши курашда мени кўришди ва менга спаррингларда ёрдам беришимни сўрашди. Жангдан кейин менда жароҳатлар бўлганлиги сабабли, бироз вақт сўрадим, лекин мен боришга розиман. Мен учун пул муҳим эмас, чунки бу мен учун ярим оғир вазн тоифасидаги энг яхши боксчилардан бири билан рингга чиқиш имконияти. Бу улкан тажриба”, - деди Ботир.

Эслатиб ўтамиз, Ботир Аҳмедов Ўзбекистонда таваллуд топган ва бугунги кунда Россия шарафини ҳимоя қилади. 

У АҚШда ўзбекистонлик боксчилар билан бирга машғулотлар ўтказади.