Ўзбекистонлик боксчи Қозоғистонга кўчиб ўтмоқда - манба

Бу ҳақида журналист Аслан Каженов маълум қилди.

"Бунгача Ўзбекистон терма жамоаси номидан мусобақаларда иштирок этган бизнинг қондош Саят Ильясов энди Қозоғистон терма жамоаси шарафини ҳимоя қилади. Ички мусобақаларда у Мангистау области номидан баҳсларда қатнашади. Катта эҳтимол билан унинг шахсий мураббийи Марат Жакиев бўлади. Бундан ташқари у март ойида профессионал бокс оқшомида иштирок этади. Омад!", - деб ёзди Каженов Инстаграмдаги саҳифасида. 

Маълумот учун, Саят Ильясов бунгача Ўзбекистон терма жамоаси сафида -60 кг вазн тоифасида мусобақаларда иштирок этган. Ушбу вазн тоифасида Олимпиада ва Жаҳон чемпиони Абдумалик Халоков юртимиз шарафини ҳимоя қилади.