Ўзбекистонлик олимга Жанубий Корея университети фахрий доктори унвони берилди

Сафар давомида мамлакатимиз спорт таълими мутахассислари Кореядаги кўплаб жисмоний тарбия ва спортга ихтисослашган олий ўқув юртлари раҳбарлари, спорт федерация мутасаддилари, спорт йўналишининг олимлари билан суҳбат ва музокаралар олиб бормоқда.

Ўзбекистон спорт делегацияси раҳбари, Ўзбекистон давлат жисмоний тарбия ва спорт университети ректори Рашид Маткаримов Ёнг Ин университети вакиллари билан ҳамкорлик алоқаларини мустаҳкамлаш, спорт таълими йўналишида янги лойиҳаларни ҳаётга татбиқ этиш бўйича суҳбатлашди.

Учрашувда спортчи-талабалар ва профессор-ўқитувчилар алмашинуви, таълим дастурлари ва халқаро қўшма лойиҳалар каби масалалар кўриб чиқилди. Якунда икки университет ўртасида ҳамкорлик меморандуми имзоланди.  

Мулоқот якунида Ёнг Ин университети президенти Жин-Соо Хан Ўзбекистон давлат жисмоний тарбия ва спорт университети ректори Рашид Маткаримовни  Ёнг Ин университетининг жисмоний тарбия фахрий доктори илмий даражаси билан тақдирлади.