17 авг 12:16
Янгиликлар

Футбол

Ўзбекистоннинг Осиё кубогидаги гуруҳдоши Австралия Мексика билан ўйнайди

Австралия терма жамоаси ҳам сентябрь ойидаги ФИФА кунлари вақтида АҚШга боради.

Ўзбекистон терма жамоасининг Осиё кубогидаги рақиби Австралия терма жамоаси 9 сентябрь куни Мексика билан ўртоқлик учрашуви ўтказади. Баҳс АҚШнинг Техас штатининг Арлингтонг шаҳрида жойлашган "АТ&Т" стадионида бўлиб ўтади.

Октябрь ойида эса Грэм Арнольд бошчилигидаги "соккерузлар" Лондонда Англия ва Янги Зеландия терма жамоалари билан ўртоқлик ўйинларини ўтказишади.

Эслатиб ўтамиз, Ўзбекистон терма жамоаси сентябрь ойида АҚШ ва Мексика билан ўртоқлик учрашувларини ўтказади. Австралия билан Осиё кубогининг 3-турида, 22 январь куни тўқнаш келамиз.