ЎзДЖТСУ қошида "Sport Akademy" номли ўқув маркази ташкил этилди

Ўзбекистон Республикаси Президентининг 2021 йил 19 майдаги "Ўзбекистон Республикасида хорижий тилларни ўрганишни оммалаштириш фаолиятини сифат жиҳатдан янги босқичга олиб чиқиш чора-тадбирлари тўғрисида"ги ПҚ - 5117-сонли қарорининг ижросини таъминлаш мақсадида Ўзбекистон давлат жисмоний тарбия ва спорт университети қошида "Sport Аkademy" номли ўқув маркази ташкил этилди.

Куни кеча мазкур ўқув марказининг расмий очилиш маросими бўлиб ўтди. Ушбу тантанали очилиш маросимида Ўзбекистон Республикаси Вазирлар Маҳкамаси ҳузуридаги Хорижий тилларни ўрганишни оммалаштириш агентлиги директори ўринбосари Азимжон Ҳусанов, агентликнинг Тошкент вилояти ҳудудий вакиллиги бошлиғи Зарина Рахимова, Республика маънавий - маърифий марказнинг Чирчиқ шаҳари филиали директори Муяссар Тўраева, "FAN NURI" ўқув маркази директори Фаррух Аминов, "ZAR DONISH" хусусий корхонаси директори Шоира Авазова, "Khan Book" МЧЖ  таъсисчи раҳбари Сардорбек Отахонов ҳамда университет раҳбарияти ва профессор-ўқитувчилари иштирок этишди.

Тадбир доирасида Тошкент вилояти ҳудудий олий ва Халқ таълими ходимларини хорижий малака ошириш ва стажировка дастурларига тайёрлаш, педагог ходимларнинг тил билиш бўйича сертификатлар олишларини қўллаб-қувватлаш, Германия, Япония ва бошқа давлатлардан кўнгилли ўқитувчиларни "Sport akademy" ўқув марказига таклиф этиш бўйича келишувлар имзоланди.