Озодбек Назарбеков: “Олимпиячиларимиз билан фахрланамиз”

Тошкент халқаро аэропортида кун қаҳрамонлари тантанали равишда кутиб олинди. Кутиб олувчилар орасида элимизнинг таниқли кино ва театр актерлари, хонандалар ҳам бор эди. Улардан бири Ўзбекистон халқ артисти Озодбек Назарбековдир.

“Ҳеч бир соҳа мамлакатни спортчалик дунёга тез танита олмаслигига яна бир бор гувоҳ бўлдик. Ўзбек спортчилари Бразилия мезбонлик қилган Олимпиадада мисли кўрилмаган натижаларни қайд этишди. Айниқса, боксчиларимизнинг иштироки барча қатори менда ҳам катта таассурот қолдирди. Ярим тун бўлишига қарамай, имкон қадар ҳар бир жангларини кўриб боришга ҳаракат қилдим. Бу тарихий ғалабалар Мустақиллигимизнинг 25 йиллик шодиёнларига ажойиб совға бўлди. Биз олимпиячиларимиз билан фахрланамиз. Мана бугун жуда чиройли тарзда уларни кутиб олдик. Тинч ва озод Ватангагина мана шундай байрамлар ярашади. Ўйлайманки, спортчиларимизнинг катта ютуқлари ҳали олдинда”, - деди Озодбек Назарбеков.

ИА «Жахон»,

Фото А.Омонкулова