Паралимпия-2020. Икки дзюдочимиз бронза учун курашади

Пара дзюдо баҳсларида икки нафар ҳамюртимиз бироздан сўнг бронза медали учун курашиш имкониятига эга бўлди. 

 -100 кг вазн тоифасида ҳамюртимиз Шариф Ҳалилов бронза медали учун ўтиш баҳсида япониялик Ёшиказу Матсумотога қарши татамига чиқди. Ҳамюртимиз мезбон спортчига ҳеч қандай имкон қолдирмади ва иппон баҳоси эвазига 10:0 ҳисобида ғалаба қозонди. Энди Шариф Ҳалилов бронза медали учун бразилиялик Тенерио да Силвага қарши баҳс олиб боради.

+100 кг вазн тоифасида ҳамюртимиз Ширин Шарипов ярим финалда грузиялик Реваз Чикоидзега қарши татамига чиқди. Афсуски, “Олтин очколар”га қадар давом этган курашда Шарипов ҳакамлар томонидан 3 марта огоҳлантирилди ва шунинг эвазига мағлуб бўлди. Энди Ширин Шарипов бронза медали учун татамига чиқади.