Париж-2024 Паралимпиадаси совриндорлари Кубаро Ҳакимова ва Шаҳина Йигиталиева Жаҳон чемпионатида кумуш медалларга эга чиқишди

Наврўза Ахматова эса 9.49 м масофага ядро улоқтириш орқали фаолиятидаги энг яхши натижани кўрсатди. Ахматова бу кўрсаткич билан Жаҳон чемпионатида тўртинчи бўлди.

1. Меерли Буитраги Арриза (Колумбия) - 10.21

2. Кубаро Ҳакимова (Ўзбекистон) - 10.17

3. Рауа Тлили (Тунис) - 9.96

Маълумот ўрнида, бу 23 яшар Кубаронинг Жаҳон чемпионатлари доирасидаги учинчи медали бўлди.

Аёллар ўртасида F46 тоифасидаги найза улоқтириш баҳсларида қатнашган Ўзбекистон терма жамоаси аъзоси, Париж-2024 Паралимпия ўйинлари совриндори Шаҳина Йигиталиева ҳам жамоамиз ҳисобига кумуш медални тақдим этди. 16 яшар ҳамюртимиз 41.97 м кўрсаткич орқали мавсумдаги энг яхши натижасини қайд этди.

Мазкур дастурда чиқиш қилган яна икки спортчимиз — Хуснора Қудратуллева (39.57) ҳамда Каромат Омонова (38.56) эса фаолиятидаги энг яхши натижаларига эришишди.

1. Ноэлла Рорда (Нидерландия) - 43.74

2. Шаҳина Йигиталиева (Ўзбекистон) - 41.97

3. Холли Арнолд (Буюк Британия) - 41.94.