02 ноя 14:48
Янгиликлар

Теннис

Париж "Мастерс". Феликс Оже-Альяссим иккинчи финалчи

Дунёнинг 10-ракеткаси Феликс Оже-Альяссим Францияда якунига етиб бораётган Париж "Мастерс" турнирининг финал иштирокчисига айланди.

анадалик иқтидор эгаси 1/2 финалда ATP рейтингида 16-ўринни эгаллаб турган қозоғистонлик Александр Бубликни икки сет натижасига кўра қийинчилик билан мағлубиятга учратди - 7/6(3), 6/4. Теннисчиларнинг ўзаро учрашувларида Феликс олдинда бормоқда - 4:2.

Тўқсон етти дақиқа давом этган баҳсда Оже-Альяссим 12, Бублик 5 та эйс зарбасини амалга оширди. Иккала теннисчи ҳам 2 тадан қўшхатога йўл қўйди. Брейклар бўйича кичик устунлик ғолиб томонида бўлди - 3 га 2. Оже-Альяссим иккинчи сетда 1/4 ҳисобида бой бераётганди. Бугун у бош соврин учун италиялик Янник Синнерга қарши кортга чиқади.